Get Adobe Flash player

ຂ່າວພະແນກປທສແຂວງ

ພະແນກ ປທສ 3 ແຂວງ ພາກເໜືອເປີດກອງປະຊຸມພົບປະແລກປ່ຽນຖອດຖອນບົດຮຽນ ວຽກງານ ປທສ 9 ເດືອນຕົ້ນປີ

ໃນຕອນບ່າຍເວລາ 13 ໂມງ 30 ນາທີ ຂອງວັນທີ 5 ສິງຫາ 2016 ທີ່ສູນຝຶກອົບຮົມການ ທ່ອງທ່ຽວປະຊາຊົນ ມີສ່ວນຮ່ວມແບບຍືນຍົງ ຂອງພະແນກ ຖະແຫຼງຂ່າວ, ວັດທະນາທຳ ແລະ ທ່ອງທ່ຽວ ແຂວງຫຼວງນ້ຳທາ ໄດ້ຈັດກອງປະຊຸມພົບປະແລກປ່ຽນຖອດຖອນບົດຮຽນ ວຽກງານ ປທສ 9 ເດືອນ ຕົ້ນປີ 2016 ລະຫວ່າງ ພະແນກ ປທສ ແຂວງຫຼວງນ້ຳທາ, ພະແນກ ປທສ ແຂວງ ບໍ່ແກ້ວ ແລະ ພະແນກ ປທສ ແຂວງ ອຸດົມໄຊ ພາຍໃຕ້ການເປັນຄະນະປະທານຮ່ວມຂອງທ່ານ ສົມຫວັງ ນາບຸນແພງ ຫົວໜ້າພະແນກ ປທສ ແຂວງ ຫຼວງນ້ຳທາ, ທ່ານ ບຸນທອງ ແສງສີກອງ ກຳມະການພັກແຂວງ, ຫົວໜ້າພະແນກ ປທສ ແຂວງ ບໍ່ແກ້ວ ແລະ ທ່ານ ຫຸມພັນ ບຸບຜາຄຳ ຫົວໜ້າພະແນກ ປທສ ແຂວງ ອຸດົມໄຊ. ຜູ້ເຂົ້າຮ່ວມການພົບ ປະແລກປ່ຽນບົດຮຽນໃນຄັ້ງນີ້ມີຄະນະນຳ, ຫົວໜ້າຂະແໜງ, ຮອງຫົວໜ້າຂະແໜງ ພ້ອມດ້ວຍພະນັກງານ ວິຊາການຂອງ ພະແນກ ປທສ ທັງ 3 ແຂວງ ເຂົ້າຮ່ວມຢ່າງພ້ອມພຽງ. ນອກຈາກນັ້ນຍັງມີອຳນວຍການ, ຮອງອຳນວຍການ ແລະ ຕາງໜ້າໃຫ້ຄະນະອຳນວຍການຂອງບໍລິສັດ ລັດວິສາຫະກິດໄປສະນີ ລາວ ແລະ ບັນດາບໍລິສັດ ໂທລະຄົມມະນາຄົມ ສາຂາ ແຂວງ ຫຼວງນ້ຳທາ ແລະ ບໍ່ແກ້ວ ເຂົ້າຮ່ວມນຳອີກ ເຊີ່ງລວມທັງ ໝົດມີ 57 ທ່ານ, ຍິງ 20 ທ່ານ.

 ກອງປະຊຸມດັ່ງກ່າວນີ້ໄດ້ຈັດຂື້ນແມ່ນເພື່ອແລກປ່ຽນຖອດຖອນບົດຮຽນໃນການຈັດຕັ້ງປະຕິບັດວຽກງານ
ວິຊາສະເພາະກໍ່ຄືວຽກງານ ປທສ ຢູ່ພາຍໃນ 3 ແຂວງດັ່ງກ່າວໃນໄລຍະ 9 ເດືອນຕົ້ນປີ 2016 ແນ່ໃສ່ເພື່ອ ເສີມສ້າງຄວາມເຂັ້ມແຂງໃຫ້ກັນ ແລະ ກັນ ໂດຍພື້ນຖານໃນການຈັດຕັ້ງ ປະຕິບັດໜ້າທີ່ວຽກງານໃນຂົງເຂດ ປທສ ຂອງ 3 ແຂວງ ດັ່ງກ່າວ.

ໃນກອງປະຊຸມຫົວໜ້າພະແນກ ປທສ ທັງ 3 ແຂວງກໍ່ໄດ້ພັດປ່ຽນກັນຂື້ນລາຍງານສະພາບການຈັດຕັ້ງ ປະຕິບັດວຽກງານ ປທສ ທີ່ພົ້ນເດັ່ນໃນໄລຍະ 9 ເດືອນຕົ້ນປີ 2016 ຂອງຕົນ ແລະ ໄດ້ມີຄຳຄິດຄຳເຫັນແລກປ່ຽນ ສົນທະນາວຽກງານທາງດ້ານວິຊາການເຊີ່ງກັນ ແລະ ກັນຫຼາຍບັນຫາຢ່າງສ້າງສັນ ແລະ ກົງໄປກົງມາ. ນອກຈາກນັ້ນແລ້ວກໍ່ຍັງມີຮອງຫົວໜ້າພະແນກ, ຫົວໜ້າຂະແໜງ, ຮອງຫົວໜ້າຂະແໜງ ແລະ ພະນັກງານ ວິຊາການຂອງພະແນກ ປທສ ທັງ 3 ແຂວງ ແລະ ບັນດາແຂກຖືກເຊີນ ໄດ້ປະກອບຄຳຄິດຄຳເຫັນຫຼາຍປະການເພື່ອເປັນການແລກປ່ຽນ ແລະ ຖາມເຈາະຈີ້ມວຽກງານວິຊາສະເພາະຂົງ ເຂດ ປທສ ຕໍ່ທີ່ປະຊຸມຢ່າງເປັນຂະບວນ ແລະ ກົງໄປກົງມາ.

ກອງປະຊຸມຍັງໄດ້ຕົກລົງເຫັນດີເປັນເອກະພາບກັນໃນການສ້າງບົດບັນທຶກຊ່ວຍຈຳຮ່ວມກັນໃນການແລກ
ປ່ຽນຖອດຖອນບົດຮຽນໃນຕໍ່ໜ້າ ເນື່ອງຈາກວ່າການແລກປ່ຽນຖອດຖອນບົດຮຽນເຊີ່ງກັນ ແລະ ກັນ ແມ່ນມີຄວາມສຳຄັນ ແລະ ຈຳເປັນຕໍ່ກັບການພັດທະນາວຽກງານ ຂົງເຂດ ປທສ ໃຫ້ມີຄວາມເຂັ້ມແຂງ ແລະ ແນ່ໃສ່ເພື່ອເຮັດໃຫ້ພະນັກງານວິຊາການໄດ້ຮຽນຮູ້ສິ່ງໃໝ່ໆ ແລະ ນຳໄປເປັນພື້ນຖານໃນການຈັດຕັ້ງປະຕິບັດ ໜ້າທີ່ວຽກງານໃຫ້ໄດ້ຮັບຜົນດີຍິ່ງໆຂື້ນ.

ກອງປະຊຸມດັ່ງກ່າວໄດ້ປິດລົງຢ່າງເປັນທາງການໃນເວລາ 16 ໂມງ 00 ນາທີ ຂອງວັນດຽວກັນ.

ແຈ້ງການ

ປະຕິທິນ

July 2018
SMTWTFS
1234567
891011121314
15161718192021
22232425262728
293031

ສະຖິຕິຜູ້ເຂົ້າຊົມ

071745
ມື້ນີ້
ມື້ວານນີ້
ອາທິດນີ້
ອາທິດແລ້ວ
ເດືອນນີ້
ເດືອນແລ້ວ
ລວມທັງໝົດ
560
864
2841
60681
18848
8321
71745

Your IP: 54.225.32.164
2018-07-17 17:26


ພະແນກໄປສະນີ, ໂທລະຄົມມະນາຄົມ ແລະ ການສື່ສານ ແຂວງຫລວງນ້ຳທາ

Department of Posts and Telecommunications of Luangnamtha Province

ໂທ ແລະ ແຟັກ: 086 212176